ზუსტად ერთი წლის წინ, 2024 წლის 24 ივნისს ქართულ-ესპანური კოლაბორაციით შექმნილი ქალის აქსესუარების ბრენდი KOTESI საქართველოში გამოჩნდა. KOTESI -ს შექმნის იდეა იყო მოდის მრავალფეროვანი სამყაროსა და თითოეული ადამიანის ინდივიდუალურობის ერთმანეთთან დაკავშირება. დღეს, 1 წლის შემდეგ, ამ იდეის გარშემო ასობით ადამიანი გაერთიანდა და გაიზიარა ბრენდის მთავარი მოტივი -„აედევნე მზეს, ატარე სტილი“.
ჩვენთვის ეს მხოლოდ ბრენდის დაბადების დღე არ არის - ეს ერთგული მომხმარებლების, ბევრი შრომისა და სითბოთი შექმნილი ურთიერთობის შედეგია.
ეს ერთი წელი უამრავი გამოწვევით იყო აღსავსე. თითოეულმა ნაბიჯმა, ბრენდის ერთწლიანი გზა გამოცდილებითა და სიურპრიზებით სავსე გახადა - რა თქმა უნდა, იყო სირთულეები, აღმოჩენები, მაგრამ ვამაყობთ, რომ ამ ყველაფრის შედეგი კმაყოფილი მომხმარებელია.
დღეს თამამად შეგვიძლია, ვთქვათ, რომ KOTESI -ს თითოეული აქსესუარი ასახავს იმ ენერგიასა და გრძნობას, რაც ამ ერთ წელს ახლდა თან. ფერების პალიტრა, მნიშვნელობა, მასალა და ფორმა - ყველაფერი ერთიანად ყვება ბრენდის ისტორიას და იმ მომავალს, რომელშიც უკვე მიზნობრივად და თავდაჯერებულად შევაბიჯეთ.
KOTESI -ს პროდუქცია იქმნება განსაკუთრებული ყურადღებით. თითოეული ქამარი, სამაჯური, ჩანთა თუ სხვა აქსესუარი მორგებულია თანამედროვე ცხოვრების სტილს - მინიმალისტური, მრავალფუნქციური და დახვეწილი დიზაინი. ბრენდის კონცეფცია თავიდანვე ეფუძნებოდა არა მასობრივ, არამედ ინდივიდუალური დამოკიდებულების იდეას, ანუ აქსესუარი, როგორც თითოეული პიროვნების გამოხატულება, რომელიც რუტინულ დღის წესრიგს მრავალფეროვან და ხალისიან ელფერს სძენს.
KOTESI -სთვის თითოეული მომხმარებელი შთაგონების მთავარი წყაროა. სწორედ თქვენს სურვილებსა და მოლოდინებზე დაყრდნობით იქმნება თითოეული აქსესუარი, დახვეწილი დიზაინითა და გამორჩეული დეტალებით. ჩვენ გვჯერა, რომ ნდობა არ ყალიბდება ერთ დღეში - ის წლების განმავლობაში შენდება გულწრფელი ურთიერთობით, ხარისხის შეუფერხებელი შენარჩუნებითა და პასუხისმგებლობით აღსავსე მომსახურებით. ამიტომაც, პირველივე დღიდან Kotesi-მ აირჩია მომხმარებელზე ორიენტირებული მიდგომა, სადაც მთავარი ღირებულება არის სითბო, სანდოობა და ინდივიდუალური დამოკიდებულება.
გვჯერა, რომ აქსესუარი მხოლოდ სტილის ნაწილი კი არა, არამედ თვითგამოხატვის ფორმაა. ამიტომაც თითოეული ნივთის შექმნისას, ვცდილობთ დავინახოთ ის ქალი, ვინც მას ატარებს - განსხვავებული, ელეგანტური, ძლიერი და ნაზი ერთდროულად. ჩვენი სურვილია, რომ როდესაც KOTESI -ს სამაჯურს, ქამარს ან ჩანთას ირგებთ, იგრძნოთ არა მხოლოდ სილამაზე, არამედ მხარდაჭერა, რომელიც უხილავად გეუბნებათ: „თქვენ გამორჩეული ხართ“.
ეს ერთი წელი მხოლოდ დიდი მიზნების დასაწყისია. გზამ, რომელიც აქამდე განვვლეთ, მყარად დაგვანახვა რამდენად ღირებულია თქვენი მხარდაჭერა და ნდობა. KOTESI აგრძელებს განვითარებას და ყოველდღიურად ცდილობს კიდევ უფრო დახვეწილი, ხარისხიანი და გემოვნებიანი აქსესუარების არჩევანი შემოგთავაზოთ.
დარჩით ჩვენთან, წინ ახალი კოლექციები, გაბედული იდეები და ბევრად მეტი სიახლე გელოდებათ, რომელიც თქვენს საჭიროებებსა და სურვილებზე იქნება მორგებული. მომავალი ბრენდისთვის ნათელია - ის ისეთივე მბზინვარე და თავდაჯერებულია, როგორიც ქალები, რომლებიც KOTESI -ს აქსესუარებს ატარებენ. გპირდებით, რომ ჩვენს გზაზე ყოველთვის იქნებით პირველ ადგილას - რადგან ეს ბრენდი თქვენთვის და თქვენთან ერთად შეიქმნა.
და ბოლოს, დაგემშვიდობებით მადლობით- მადლობა, რომ ხართ ბრენდის ისტორიის ნაწილი. წინ უამრავი სიახლე და სიურპრიზი გელოდებათ.
