იცოდით, რომ ოთხყურას ყვავილი ან როგორც მას ხშირად მოიხსენიებენ „ოთხფოთლიანი სამყურა“, საუკუნეების განმავლობაში ბედის სიმბოლოდ ითვლებოდა? მისი ისტორია ნამდვილად საუკუნეებს ითვლის და ის ეზოთერიკასა და ასტროლოგიაში ერთ-ერთ ყველაზე მნიშვნელოვან სიმბოლოდ მიიჩნევა. დღევანდელ სტატიაში, ამ უნიკალური ყვავილის ისტორიასა და მის ყოველდღიურ ცხოვრებაში გამოყენების შესაძლებლობებს განვიხილავთ.
იშვიათი, ნაზი და მარადიული ოთხყურას ყვავილი ნამდვილად ბუნების პატარა სასწაულია. მისი პოვნა იოლი არ არის, წლების ძიებამ შესაძლოა უკვალოდ ჩაიაროს და მოულოდნელად, მაშინ როდესაც საერთოდ არ ელით, სრულიად შემთხვევით იპოვოთ. სწორედ ამ შემთხვევითობაშია ამ პატარა ყვავილის მაგიურობაც.
უძველესი დროიდან ითვლებოდა, რომ იმ ადამიანს, ვინც „ოთხყურას“ იპოვის, მოულდნელი სიხარული და იღბალი ეწვევა, რადგან ყვავილი „ბედის სიმბოლოდ“ იყო მიჩნეული და ეს ისტორია დღემდე არ კარგავს აქტუალურობას. აქედან გამომდინარე,
ყვავილის თითოეულ ფოთოლს დიდი მნიშვნელობა გააჩნია: პირველი ფოთოლი რწმენას ნიშნავს, მეორე – იმედს, მესამე – სიყვარულს, ხოლო მეოთხე – იღბალს. წარმოიდგინეთ, მსგავსი ყვავილის ფორმის ჩარმის ტარებით რამდენად დიდი მნიშნველობის მქონე ენერგიის ტარება შეგიძლიათ?!
მოდით, კვლავ ოთხყურას ყვავილს დავუბრუნდეთ. მისი იშვიათობის გამო, სხვადასხვა კულტურაში ის მუდამ განსხვავებული დატვირთვით პოზიციონირებდა. მაგალითად, ძველ კელტებს სწამდათ, რომ ოთხყურას ყვავილის ტარება ბოროტ ძალებს განდევნიდა და ადამიანს სულიერად დაიცავდა. ევროპულ ტრადიციაში ეს ნაზი ყვავილი კეთილდღეობის, სიყვარულისა და ჯანმრთელობის ნიშნად მოიხსენიებოდა. ხოლო აღმოსავლურ კულტურებში კი ჰარმონიის, ბალანსისა და სულიერი სიმშვიდის სიმბოლოდ მიიჩნეოდა. უფრო მეტიც, ოთხყურა პირველი მცენარე იყო, რომელიც სამოთხის მიდამოებში იზრდებოდა და ევამ ზუსტად ეს ყვავილი წამოიღო სამოთხიდან მხოლოდ ერთი მიზნის გამო – მუდამ მის გონებაში ყოფილიყო ის სიხარული, რაც სამყაროს შექმნასთან იყო დაკავშირებული.
ქართულ-ესპანური კოლაბორაციით შექმნილი ბრენდის „KOTESI”-ს აქსესუარებში კი სწორედ ამ უნიკალური თვისებების მქონე ჩარმს აღმოაჩენთ, რომელიც შექმნილია მათთვის, ვისაც სჯერა სილამაზის, შინაგანი ძალისა და ცხოვრების პატარა, მაგრამ ჯადოსნური მომენტების. ჩარმი შეგიძლიათ სხვადასხვა აქსესუარს მოარგოთ: ქამარს, თასმას, ყელსაბამსა თუ თავსამკაულს. ის იდეალური საჩუქარი იქნება მათთვის, ვინც უიმედობამ შეიპყრო, რადგან მისი ისტორია მუდამ შეგახსენებთ, რომ სამყარო სავსეა მოულოდნელი სილამაზითა და სასწაულებით, რომელიც სულ მალე თქვენს კარზეც დააკაკუნებს.